Í ótrúlegu návígi við skýstrók

Skýstrókur reið yfir vinnubúðir við olíuborsvæði rétt fyrir utan Watford City í Norður Dakota á mánudaginn.

Níu manns slösuðust nokkuð illa og einn er í lífshættu. Skýstrókurinn gjöreyðilagði nokkur lítil hús í búðunum.

Dan Yorgason og Adam Schiff, starfsmenn olíufyrirtækisins, tóku upp ótrúlegt myndband af skýstróknum og komust gríðarlega nálægt honum.

Þeir félagar voru í mjög mikilli hættu en eins og sést á myndbandinu gerðu þeir sér engan veginn grein fyrir því og misstu stjórn á sér í geðshræringunni yfir náttúruofsanum.