Kerzhakov sló markametið

Aleksandr Kerzhakov varð í gær markahæsti leikmaður í sögu rússneska landsliðsins. Kerzhakov, sem leikur með Zenit í Pétursborg, skoraði tvö mörk þegar Rússland vann 4-0 sigur á Aserbaídsjan í vináttulandsleik í gær.

Kerzhakov hefur nú skorað 28 mörk í 85 landsleikjum, en fyrir leikinn gegn Aserbaídsjan deildi hann markametinu með Vladimir Beschastnykh sem skoraði 26 mörk í 71 landsleik á árunum 1992-2003.

Kerzhakov vantar þó enn 14 mörk til að jafna sovéska metið sem Oleg Blokhin á, en hann skoraði 42 mörk í 112 leikjum fyrir Sovétríkin á árunum 1972-1988.

Rússland, sem féll úr leik í riðlakeppninni á HM í Brasilíu, tekur á móti Lichtenstein í fyrsta leik sínum í undankeppni EM 2016 á mánudaginn. Svíþjóð, Svartfjalland, Moldavía og Austurríki eru með Rússlandi og Lichtenstein í riðli í undankeppninni.