HM í hættu hjá Suarez

Svo gæti farið að framherji Liverpool, Luis Suarez, geti ekki spilað með Úrúgvæ á HM í sumar en hann er á leið í aðgerð í dag.

Hann meiddist á æfingu landsliðsins í gær og þarf að leggjast undir hnífinn vegna meiðslanna. Það er hnéð sem er að trufla hann.

Aðgerðin er þó ekki stór og læknar úrúgvæska landsliðsins eru bjartsýnir á að hann verði orðinn góður fyrir fyrsta leik í mótinu.

Suarez mun aftur á móti klárlega missa af upphitunarleikjum Úrúgvæa gegn Norður-Írum og Slóvenum um mánaðarmótin.

Þetta er áfall fyrir Úrúgvæ enda mætti Suarez sjóðheitur til æfinga eftir að hafa skorað 31 mark fyrir Liverpool í vetur.