Rússneskur eftirlitsmaður, Igor Borisov, sem fylgdist með kosningunum í Skotlandi gagnrýnir framkvæmd þeirra. Borisov telur að talning atkvæða hafi farið fram í of stórum herbergjum og að verkferlum hafi verið ábótavant. Frá þessu er greint í The Guardian.

Leiða má líkum að því að Rússar séu að reyna að svara ítrekaðri gagnrýni Vesturlanda á rússneskar kosningar í gegnum árin.

Stuðningsmenn Vladimir Putin, Rússlandsforseta, höfðu vonast eftir sjálfstæðu Skotlandi en urðu ekki að ósk sinni. Töldu þeir að sjálfstætt Skotland gæti réttlætt innlimun austurhéraða Úkraínu í Rússland, og kosningar sem voru haldnar þar að lútandi, í mars sl. Vesturlönd gagnrýndu framkvæmd og skipulagningu þeirra kosninga harðlega og voru niðurstöðurnar sagðar með öllu ómarktækar.