Avakov fullyrðir að 30 aðskilnaðarsinnar hafi fallið

Innanríkisráðherra Úkraínu, Arsen Avakov, fullyrðir á Facebook síðu sinni í dag að rúmlega þrjátíu aðskilnaðarsinnar hafi fallið í bardögum nálægt borginni Slaviansk í nótt.

Þetta hefur þó ekki verið staðfest en í gær réðust aðskilnaðarsinnar að úkraínskum hermönnum í nágrenni borgarinnar þar sem fjórir stjórnarhermenn féllu hið minnsta og tugir slösuðust.

Talsmenn aðskilnaðarsinna segjast einnig hafa misst fjóra í þeim bardögum en þeir hafa ekki tjáð sig um fullyrðingar ráðherrans hvað varðar mannfall eftir nóttina.