Flughrelli sleppt úr haldi

Yfirvöld í Indónesíu hafa sleppt flughrelli úr haldi lögreglu eftir að hann var öllu indónesíska flugsamgöngukerfinu til trafala síðastliðinn föstudag.

Öll flugumferð á Balí tafðist um rúma tvo tíma eftir að maðurinn hafði staðið upp og barið á hurð flugmannsklefans í ölæði. Starfsfólk flugvélarinnar tók manninn fastan og beislaði aftast í vélinni það sem eftir var.

Manninum var sleppt úr varðhaldi í Indónesíu á grundvelli þess að flugvélin, sem atvikið átti sér stað í, var skráð í Ástralíu en ekki Indónesíu. Áströlsk stjórnvöld ráða því örlögum hans.