Lítill áhugi á Ronaldo og Messi í Manchester

Tveir bestu knattspyrnumenn heims - Lionel Messi og Cristiano Ronaldo - mætast á Old Trafford, heimavelli Man. Utd, í næstu viku en fólkinu í Manchester virðist vera alveg saman.

Fyrirfram var búist við því að slegist yrði um miða á leik þar sem Lionel Messi og Cristiano Ronaldo mætast. Tala nú ekki um þar sem Ronaldo er goðsögn hjá Man. Utd.

Þó svo miðaverð sé ekki of hátt, tæpar 8 þúsund krónur, þá er aðeins búið að selja 15 þúsund miða á leik Portúgal og Argentínu. Þetta er eðlilega vináttulandsleikur.

„Ég skil ekki af hverju það er ekki búið að selja fleiri miða," sagði Leo Morales, skipuleggjandi leiksins.

Old Trafford tekur tæplega 76 þúsund manns í sæti.