Blekktu eldri menn til að fækka fötum

Lögreglan á Filippseyjum handtók í morgun tólf manns í tengslum við rannsókn á alþjóðlegri fjárkúgunarstarfsemi á Netinu.

Fólkið er sakað um að hafa blekkt grunlausa einstaklinga til að fækka fötum á Netinu og senda sér nektarmyndir. Síðan voru einstaklingarnir krafðir um pening til að koma í veg fyrir að myndirnar væru birtar opinberlega á Netinu.

Fórnarlömbin voru yfirleitt eldri karlar sem héldu að þeir væru að tala við ungar stúlkur.

Málið teygir anga sína til fjölmargra landa og þannig hefur Interpol handtekið 58 einstaklinga í tengslum við rannsókn málsins.