Southampton hefur áhuga á Sneijder

Það er fastlega búist við því að Hollendingurinn Wesley Sneijder fari frá Galatasaray í janúar og enska úrvalsdeildin er talinn vera líklegur áfangastaður.

Sneijder hefur verið orðaður við Man. Utd eins lengi og elstu menn muna og þarf því ekki að koma á óvart að hann sé enn á ný orðaður við félagið.

Southampton hefur aftur á móti staðfest áhuga sinn á Sneijder en félagið segist aftur á móti ekki ráða við launakröfur leikmannsins.

Hann er talinn vera með um 90 þúsund pund í vikulaun og það er meira en Southampton ræður við.

Galatasaray er í fjárhagsvandræðum og er sagt vera til í að selja Sneijder á 9 milljónir punda.