Bjóða upp á einn kaldan í kirkjunni

Nokkrir kristnir söfnuðir í borginni Tulsa í Oklahoma-fylki í Bandaríkjunum fara nú nýjar leiðir til þess að ná til nýrra meðlima. Í kvöld verður haldið svokallað Bjóra og sálmakvöld, þar sem hægt verður að fá sér bjóra og ræða um stöðu kristinna safnaða á 21. Öldinni.

Hér að neðan má sjá sjónvarpsfrétt um málið frá stöðinni Local 12 í Oklahoma.

Á Bjóra og sálmakvöldinu má spyrja gagnrýnna spurninga og ræða stöðu kristninnar opinskátt. „Þetta kemur fólki hér í Oklahoma líklega á óvart, en okkur finnst gaman að hrista aðeins upp í hlutunum,“ segir Evan Taylor, leiðtogi eins safnaðarins sem heldur kvöldið.

Kvöldið er auglýst sem fjölskylduhátíð og má hver og einn drekka þrjá bjóra í mesta lagi. „Fólk er forvitið um þetta. Þetta er ekki fyllerís hátíð. Þetta verður bara notaloft kvöld, góð stund til að fá sér bjór og syngja sálma,“ bætir Taylor við.