Bandaríkjamenn kjósa til þings

Milljónir Bandaríkjamanna búa sig nú undir að ganga að kjörborðinu en kosið er um fulltrúa í fulltrúadeild og öldungadeild þingsins í dag. Repúblikanar stjórna nú fulltrúadeildinni og ekkert bendir til þess að það breytist.

Hinsvegar er spenna um hvort Demókratar missi meirihluta sinn í Öldungadeildinni. Þar þurfa Repúblikanar aðeins að bæta við sig sex sætum og takist það, mun það draga úr völdum Obama forseta sem er Demókrati en helmingur er nú eftir af síðara kjörtímabili hans.

Vinsældir hans hafa sjaldan verið minni og því er talið líklegt að það bitni á frambjóðendum Demókrata.