Skattaparadísin Lúxemborg

Umfangsmikil rannsókn hefur leitt í ljós að hin ýmsu alþjóðlegu stórfyrirtæki hafa nýtt sér glufur í skattkerfi Lúxemborgar til að minnka skattbyrði sína og auka hagnað.

Í frétt Guardian kemur fram að á meðal fyrirtækjanna sem um ræðir eru Pepsi, Ikea, JP Morgan og FedEx. Flest fyrirtækin eru viðskiptavinir eins stærsta endurskoðendafyrirtækis í heimi, Price Waterhouse Coopers.

Meira en 80 blaðamenn frá 26 löndum hafa í um hálft ár rannsakað gögn sem sýna hvernig skattaumhverfi fyrirtækja er í Lúxemborg og er rannsóknin kynnt í viðamikilli skýrslu sem kemur út í dag.