Ísraelar ekki ákærðir vegna skipaárásar 2010

Alþjóðastríðsglæpadómstóllinn í Haag hefur tilkynnt að ekki verði gefin út ákæra á hendur ísraelskum stjórnvöldum vegna árásar Ísraelshers á skip sem var á leið með hjálparbirgðir til Gasastrandarinnar árið 2010.

Níu tyrkneskir aðgerðarsinnar létust í árásinni, en skipið hafði virt að vettugi kröfu ísraelsku landhelgisgæslunnar um að breyta siglingaleið sinni og freistað þess að sigla til Gasa.

Í frétt BBC kemur fram að Fatou Bensouda, saksóknari við dómstólinn, segi að ákvörðunin hafi verið tekin þrátt fyrir „réttmætur grundvöllur“ væri til að halda að stríðsglæpir hafi verið framdir. Þungi mögulegra dómsmála yrði ekki aldrei nægilega mikill til að hægt væri að réttlæta málshöfðun.

Ísraelsmenn hafa sett strangt hafnarbann á Gasa-svæðinu og segja það nauðsynlegt til að draga úr vopnasmygli en vopnum hefur verið smyglað, meðal annars til Hamas-samtakanna, með umræddri siglingaleið.