Erlent

Mannæta lést er lögreglumenn skutu hann með rafbyssu

Samúel Karl Ólason skrifar
Maðurinn var handtekinn eftir að hafa verið skotinn með rafbyssu en hann fékk fljótlega hjartastopp og lést á vettvangi árásarinnar.
Maðurinn var handtekinn eftir að hafa verið skotinn með rafbyssu en hann fékk fljótlega hjartastopp og lést á vettvangi árásarinnar. Vísir/AFP
Lögreglumenn í Blackwood í Wales komu í gær að manni sem hafði myrt 22 ára konu og lagt hana sér til munns. Maðurinn var skotin með rafbyssu og lést skömmu síðar. Íbúi í hverfinu hafði haft samband við lögregluna vegna árásarinnar.

Maðurinn var handtekinn eftir að hafa verið skotinn með rafbyssu en hann fékk fljótlega hjartastopp og lést á vettvangi árásarinnar, samkvæmt tilkynningu frá lögreglunni.

Maðurinn heitir Matthew Williams og hafði verið hleypt úr fangelsi fyrir tveimur vikum. Hann bjó í athvarfi í Blackwood, en BBC segir yfirvöld telja þau hafa verið par.

Á vef South Wales Evening Post er haft eftir nágranna Williams að þegar lögreglumenn komu á vettvang hafi hann verið búinn að borða helminginn af andliti konunnar.

Íbúar Blackwood eru slegnir yfir atvikinu og segja mikil vandræði hafa fylgt athvarfinu.

Mest lesið


Fleiri fréttir

Sjá meira


×

Mest lesið