Aron byrjaði inn á í sigri AZ

Bandaríski landsliðsframherjinn Aron Jóhannesson lék í 77 mínútur þegar AZ Alkmaar vann NAC Breda 0-1 á útivelli í hollensku úrvalsdeildinni í fótbolta í kvöld.

Serbinn Nemanja Gudelj skoraði sigurmarkið á 57. mínútu, en með sigrinum fór AZ upp um sex sæti í deildinni, úr því 12. og upp í það sjötta. Þetta var fyrsti sigur liðsins í fimm leikjum.

Aron er að komast á skrið á nýjan leik eftir meiðsli, en leikurinn gegn Breda var þriðji leikur Fjölnismannsins fyrrverandi á tímabilinu.