Erlent

Hommahatari réðist á mann í bleikri skyrtu

Aðalsteinn Kjartansson skrifar
Myndband af árásinni hefur verið sett á YouTube.
Myndband af árásinni hefur verið sett á YouTube.
Karlmaður var yfirbugaður og handtekinn á alþjóðaflugvelli í Dallas í Bandaríkjunum á fimmtudag eftir að hafa ráðist á mann sem var í bleikum bol. „Hommar gera mig reiðan! Þessi hommi hérna,“ sagði maðurinn þegar hann réðist á þann bleikklædda.



Samkvæmt öðrum ferðalöngum sem urðu vitni að atvikinu var maðurinn í annarlegu ástandi og að því er virtist undir áhrifum áfengis eða lyfja. Andrew Kennedy, einn af þeim sem voru á flugvellinum þegar árásin átti sér stað, segir í samtali við Daily Mail að maðurinn hafi verið brjálaður. „Þessi gaur var klikkaður,“ sagði hann.



Maðurinn var yfirbugaður af öðrum flugfarþegum áður en lögreglan náði að skerast í leikinn. Hann var í kjölfarið handtekinn. Eftir að lögregla hafði tekið stjórn á aðstæðum hélt maðurinn áfram að segja nærstöddum ástæður þess að hann hefði ráðist á mannninn.



„Á ég að segja þér af hverju ég gerði þetta? Út af Bandaríkjunum. Þess vegna,“ sagði maðurinn þar sem hann lá með tvo lögreglumenn ofan á sér. Mátti skilja hann sem svo að hann teldi sig hafa rétt til að sparka í þá sem hann teldi samkynhneigða.



Myndband af atvikinu hefur verið sett á YouTube og er hægt að horfa á það hér fyrir neðan.

Mest lesið


Fleiri fréttir

Sjá meira


×

Mest lesið