Innlent

„Lögreglan í Danmörku er ekki einu sinni með MP5“

Stefán Árni Pálsson skrifar
„Krakkarnir mínir fá engar leikfangabyssur hér á Íslandi,“ segir Daninn Martin Christensen sem ákvað 17 ára gamall að ganga í danska herinn. Martin var gestur í þættinum Ísland í dag í gærkvöldi.

„Svona leikföng ættu bara að vera bönnuð,“ segir Martin sem var næst spurður útí það hver skoðun hans væri á því að lögreglan á Íslandi væri búin byssum.

„Það er kannski besta að segja sem minnst um þetta mál en mér finnst mjög skrítið að þeir ætli sér að vera með MP5 og ég skil ekki alveg af hverju þeir telja sig þurfa að vera með slíkar byssur. Það er kannski ágætt að lögreglumenn séu með skammbyssur en MP5 er of mikið.“

Skiptar skoðanir eru um vopnabúnað lögreglunnar á Íslandi, en eins og kunnugt er hefur Landhelgisgæslan og lögreglan fengið 250 MP5-hríðskotabyssur frá norska hernum.

„Lögreglan í Danmörku er ekki einu sinni með MP5.“

Árið 2003 stóð til að Martin færi með danska hernum til Írak en stuttu fyrir brottför setti Jóhanna, kona hans, honum stólinn fyrir dyrnar og vildi ekki að hann færi út aftur.

Vinur Martins tók plássið en nokkrum mánuðum seinna var hann skotinn. Hann var fyrsti Daninn sem lét lífið í Írak.

Hér að ofan má sjá þáttinn í heild sinni en umræðan um MP5 byssurnar hefst eftir 4:00 mínútur.


Tengdar fréttir

Einföld sala sem hefur endað í hneyksli

Norski fréttavefurinn VG segir byssuhneykslið geta orðið ríkisstjórn Íslands að falli. Þingi og þjóð leynt að byssurnar voru keyptar.

Svör – strax!

Það hefur varla farið fram hjá neinum að 250 stykki af MP5-hríðskotabyssum hafa bæst við vopnabúnað stjórnvalda. DV greindi frá málinu í síðustu viku og síðan það kom fyrst upp hefur það tekið á sig furðulegar myndir.

Byssurnar um borð í skipin

Landhelgisgæslan ætlar að nota þær eitt hundrað hríðskotabyssur sem hún fékk frá Norðmönnum um borð í skipunum sínum og í varahluti.

Minna öryggi með vígbúnaði

Helgi Gunnlaugsson afbrotafræðingur segir að aukinn vopnaburður lögreglu ýti undir notkun á vopnum á meðal glæpamanna. Þá sé framandi veruleiki að lögreglan búi yfir hátæknivopnum, fólk hrylli við slíku.

Ráðherrar sverja af sér vélbyssur

Gunnar Bragi Sveinsson utanríkisráðherra segist ekki haft nein afskipti af komu 250 MP5-hríðskotabyssa hingað til lands. Hanna Birna Kristjánsdóttir innanríkisráðherra segir að lögreglan hafi heimild til að endurnýja búnað sinn án þess að ráðherra skipti

Landhelgisgæslan reiknar ekki með að borga

Forstjóri Landhelgisgæslunnar reiknar ekki með að Gæslan greiði fyrir þær 250 hríðskotabyssur sem norski herinn seldi henni. Ráðherrum hafi ekki verið greint frá kaupunum en aðilar innan innanríkisráðuneytisins hafi vitað af þeim.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.