Ekkert samkomulag á fundi tónlistarkennara

Ekkert samkomulag náðist á fundi tónlistarkennara og fulltrúa sveitarfélaganna í húsnæði ríkissáttasemjara í dag. Fundi var slitið um klukkan fimm og hefur nýr fundur verið boðaður á föstudag.

Verkfall tónlistarkennara hófst á miðvikudag í síðustu viku en þeir krefjast þess að fá sömu kjarabætur og aðrar kennarastéttir. Þá verður fundað í kjaradeilu lækna og skurðlækna hjá ríkissáttasemjara á morgun.

Verkfallsaðgerðir lækna hófust í gær en á morgun munu læknar á lyflækningasviði landspítalans og sjúkrahúsinu á Akureyri leggja niður störf.