Gerrard fagnar ellefu árum sem fyrirliði Liverpool

Steven Gerrard fagnaði í dag ellefu árum sem fyrirliði Liverpool, en hann var gerður að fyrirliða liðsins af GerardHoullier fyrir leik gegn Olimpija Ljubljana 15. október árið 2003.

Gerrard tók við bandinu af Finnanum SamiHyypia og leiddi sitt lið til 3-0 sigurs. Hann hefur ekki litið um öxl síðan.

„Ég var fyrirliði skólaliðsins og fór alltaf á Anfield til að horfa á liðið. Ég horfði á JohnBarnes bera fyrirliðabandið og dreymdi um að einn daginn fengi ég að vera fyrirliði liðsins sem ég elska,“ sagði Gerrard þegar hann fékk bandið fyrir ellefu árum.

Gerrard birti gamla mynd af sér á Instagram-síðu sinni í dag og skrifaði: „Fyrir ellefu árum var ég gerður að fyrirliða uppeldisfélagsins míns. Það er mikill heiður að vera fyrirliði þessa merka félags.“

Jordan Henderson, samherji Gerrards hjá Liverpool, er heldur betur ánægður með fyrirliðann sinn og segir engan betri að sinna því hlutverki.

„Stevie er líklega ekki bara besti fyrirliði Liverpool og Englands fyrr og síðar heldur bara í fótboltanum. Að umgangast hann hefur hjálpað mér mikið. Hann hefur verið besti og áhrifamesti leikmaður Liverpool í mörg ár og vill alltaf verða betri,“ segir Jordan Henderson.

Wird geladen

11 years ago today I became the captain of my boyhood team one of the proudest days of my career . It's a huge honour to captain this great club #YNWA

Auf Instagram anzeigen