Drengur lést eftir að hann varð fyrir geit

Þrettán ára drengur lést í Tyrklandi eftir að geit féll á hann af þaki sex hæða hárrar byggingar. Tyrkneski fjölmiðillinn Hurriyet Daily greinir frá.

Faðir, drengsins hafði keypt geitina í því skyni að fórna henni á meðan á trúarhátíðinni Eid al-Adha stæði en fann engan stað fyrir hana nema á þaki hússins þar sem þeir feðgar bjuggu. Dýrinu virtist ekki líka staðurinn því að það stökk yfir varnargirðingu á þakinu og niður á jörðina. Þar var drengurinn ungi að leik með vinum sínum. Hann var fluttur á spítala með hraði en ekki var hægt að bjarga honum.

Rannsókn er hafin á atvikinu sem er talið algjörlega einstakt í heiminum en samkvæmt Hurriyet Daily á það sér engin fordæmi. Faðir drengsins hefur opinberlega tjáð sig um sorgina sem fylgir sonarmissinum en segir jafnframt að það sé ekkert hægt að segja um slíkt atvik.