Nasri spilar líklega ekki fleiri landsleiki

Samir Nasri, leikmaður Manchester City, telur landsliðsferil sinn með Frakklandi á enda eftir allt sem gerðist fyrir HM í Brasilíu í sumar.

Didier Deschamps, þjálfari Frakka, valdi hann ekki í HM-hópinn, en þjálfarinn kærði svo kærustu Nasri fyrir orð sem hún lét falla um hann á Twitter.

„Það er ekki séns að ég fái annað tækifæri á meðan hann er þjálfar. Franska landsliðið kætir mig ekki lengur. Alltaf þegar ég mæti í landsliðsferðir eru sömu vandræðin,“ segir Nasri í viðtali við BBC.

„Ég stend undir ásökunum sem beinast að mér og minni fjölskyldu. Ég vil ekki að hún þjáist, þannig það er betra að ég hætti að spila með landsliðinu og einbeiti mér að félagsliðinu.“

„Ég vil ekki vera þarna. Ég er ekki ánægður og ég vil ekki mæta í landsliðsferðir aftur,“ segir Samir Nasri.