Hrossakjöt næstum horfið úr evrópskum nautakjötsafurðum

Atli Ísleifsson skrifar 31. júlí 2014 10:34

Hrossakjötshneykslið vakti mikla athygli og reiði meðal almennings í Evrópu. Vísir/Getty

Hrossakjöt er nánast horfið úr evrópskum nautakjötsafurðum samkvæmt nýrri rannsókn á vegum framkvæmdastjórnar ESB. Ísland var eitt þeirra 31 ríkja sem tók þátt í rannsókninni.

Mikið var rætt um hrossakjöt í matvælum á síðasta ári þar sem rannsókn ESB sýndi fram á að 4,6 prósent þeirra afurða sem skoðuð voru innihéldu hrossakjöt. Nú er hins vegar hlutfallið komið niður í 0,6 prósent, en sextán af þeim 2.622 afurðum sem rannsakaðar voru innihéldu hrossakjöt.

Í skýrslunni segir að tíu afurðir hafi verið rannsakaðar á Íslandi og engin þeirra innihaldið hrossakjöt. Í frétt danska ríkisútvarpsins segir að Tonio Borg, framkvæmdastjóri heilbrigðismála hjá ESB, telji niðurstöðurnar sýna fram á að umræða síðasta árs hafi skilað árangri.

Búlgarskar og ungverskar afurðir komu verst út úr rannsókninni, en í báðum ríkjum komu upp fjögur tilfelli afurða sem innihéldu hrossakjöt.

28 aðildarríki ESB, auk Noregs, Íslands og Sviss tóku þátt í rannsókninni.

Tengdar fréttir

Þekkir þú hrossakjöt frá nautakjöti?

Bjóða upp á "Kjötáskorun“ á Háskólatorgi.

8. mars 2013 11:47

IKEA kjötbollur aftur til sölu í Danmörku og fleiri Evrópulöndum

Hinar vinsælu IKEA kjötbollur eru aftur til sölu í Danmörku og fleiri Evópulöndum eftir meir en mánaðarhlé í kjölfar hrossakjötshneykslsins sem skók flest Evrópulönd fyrr í vetur.

22. mars 2013 06:28

Óttast að hrossakjötshneykslið nái til 16 landa innan ESB

Nú er óttast að hrossakjötshneykslið nái til 16 landa innan Evrópusambandsins. Lögreglurannsókn á hneykslinu er hafin í tveimur af þessum löndum.

12. febrúar 2013 06:32

Leita hrossakjöts í nautahakki

Matvælastofnun hefur tekið sýni úr íslensku hakki og framleiðsluvörum á markaði hérlendis til að kanna hreinleika kjötsins.

13. febrúar 2013 06:00

Umfangsmikar prófanir á kjöti framundan í ESB

Evrópusambandið hvetur öll aðildarríki þess til að standa fyrir umfangsmiklum prófunum á því hvort hrossakjöt er til staðar í matvælum sem sögð eru innihalda nautakjöt. Um þúsundir af prófunum yrði að ræða en þær eiga að hefjast þann 1. mars.

14. febrúar 2013 06:26

Hrossakjötshneyksli komið upp í Þýskalandi

Hrossakjötshneykslið hefur nú borist til Þýskalands en þar hefur hrossakjöt greinst í tilbúnu lasagne sem sagt er að innihaldi nautakjöt.

14. febrúar 2013 10:07

Ekkert hrossakjöt í vörum Findus á Íslandi

Ljóst er að umræðan um hrossakjöt í nokkrum tilbúnum réttum Findus, sem komst í hámæli á dögunum, á ekki við um Ísland.

13. febrúar 2013 11:43

Fundu hrossakjöt í kjötbollum frá Ikea

Tékkneska matvælaeftirlitið hefur fundið hrossakjöt í kjötbollum sem eru framleiddar í Svíþjóð fyrir Ikea. Hrossakjötshneykslið hefur skekið alla Evrópu um mánaðaskeið. Hrossakjöt, sem selt var sem nautakjöt, fannst fyrst í unnum kjötvörum á Bretlandi og á Írlandi. Síðan þá hefur hneykslið borist til annarra landa og hafa meðal annars vörur á Íslandi verið innkallaðar vegna þess.

25. febrúar 2013 10:53

Stjörnukokkar í París blanda sér í hrossakjötshneykslið

Stjörnukokkar í París hafa blandað sér í hrossakjötshneykslið sem komið hefur upp í meirihluta landa innan Evrópusambandsins. Kokkarnir eru í vaxandi mæli að setja hrossakjöt í ýmsum útgáfum á matseðla sína.

5. mars 2013 06:15

Nestlé innkallar tvo rétti vegna hrossakjöts

Svissneski matvælarisinn Nestlé hefur innkallað tvo ferska pastarétti með nautakjöti úr verslunum á Ítalíu og Spáni eftir að rannsókn leiddi í ljós að þeir innihéldu hrossakjöt.

19. febrúar 2013 06:23