Fótbolti

Scolari er gamalt fífl

Scolari og Neymar.
Scolari og Neymar. vísir/getty
Það er óhætt að segja að umboðsmaður Neymar sé ekkert allt of ánægður með landsliðsþjálfara Brasilíu sem hann kallar öllum illum nöfnum.

Brasilía steinlá, 7-1, gegn Þýskalandi í undanúrslitum HM þar sem Neymar var fjarverandi vegna meiðsla.

Umbinn, Wagner Ribeiro, hjólaði í landsliðsþjálfarann Luiz Felipe Scolari eftir leikinn á Twitter og taldi upp nokkur atriði sem áttu að sýna hversu lélegur þjálfari hann væri.

„Eitt: Var þjálfari Portúgal og vann ekki neitt. Tvö: Fór til Chelsea og var rekinn daginn eftir. Þrjú: Fór að þjálfa í Úsbekistan. Fjögur: Kom aftur til Brasilíu. Tók við stórliði Palmeiras og náði að fella þá. Fimm: Fór frá félaginu 56 dögum fyrir lok leiktíðar til að fara ekki niður með félaginu," sagði Ribeiro og hann beið með sprengjuna þar til síðast.

„Sex: Hann er gamalt fífl, viðbjóðslegur og hálfvitalegur svindlari."

Scolari hefur ekki boðist til þess að hætta sem landsliðsþjálfari.

HM 2014 í Brasilíu

Tengdar fréttir

Neymar hélt að hann væri lamaður

Þjálfari brasilíska landsliðsins, Luiz Felipe Scolari, segir að stjarna liðsins, Neymar, hafi verið hræddur um að vera lamaður er hann meiddist í leiknum gegn Kólumbíu á föstudag.

Læknir Brasilíumanna segir að Neymar verði ekki meira með á HM

Læknir brasilíska landsliðsins í fótbolta staðfesti í kvöld að Neymar, aðalstjarna brasilíska landsliðsins, verði ekki meira með á HM í fótbolta í Brasilíu en framherjinn snjalli meiddist á baki í kvöld í 2-1 sigri Brasilíu á Kólumbíu.

Mest lesið


Fleiri fréttir

Sjá meira


×

Mest lesið