Fékk fyrirsætusamning eftir að hafa verið mynduð á HM

Kvikmyndatökumenn og ljósmyndarar á íþróttaleikjum eru oft duglegir að mynda sætar stelpur í stúkunni og það opnaði heldur betur margar dyr fyrir belgísku stúlkuna Axelle Despiegelaere.

Ljósmyndarar á HM í Brasilíu voru mjög duglegir að mynda þessa 17 ára stúlku og hafa myndir af henni birst á vefsíðum og í blöðum um allan heim.

Svo fræg varð hún að um leið og hún kom heim var hún bókuð í sjónvarpsviðtöl í landinu.

Í kjölfarið fékk hún samning hjá snyrtivörurisanum L'Oreal og mun hún verða fyrirsæta hjá því fyrirtæki. Það getur því greinilega margborgað sig að fara á HM.