Nokkrar aurskriður féllu á Hnífsdalsveg á milli Ísafjarðar og Hnífsdals í morgun. Þorgils Gunnarsson náði einni slíkri á myndband sem sjá má hér að ofan.



Vegurinn lokaðist um tíma en fyrsta skriðan var um 40 til 60 metrar að breidd samkvæmt Hlyni Snorrasyni yfirlögregluþjóni á Ísafirði. Gríðarleg úrkoma hafði verið á Vestfjörðum í sólarhring áður en skriðan féll, en töluvert hefur dregið úr rigningu.