Hjörvar: Kvöldin eru skemmtilegasti leiktíminn

Heimsmeistarakeppnin í fótbolta hefst í Brasilíu í kvöld með upphafsleik heimamanna og Króata í Sao Paulo. Útsendingar Stöðvar 2 Sport2 hefjast annað kvöld en þar verða 18 leikir í beinni.

„Það sem er skemmtilegast við HM hjá okkur er sú staðreynd að við erum með kvöldin, skemmtilegasta leiktímanum. Gummi Ben hefur HM-messu klukkan 21:10 fram að leik klukkan 22:00 og svo er leikurinn til miðnættis,“ segir Hjörvar Hafliðason, dagskrárstjóri Stöðvar 2 Sports.

„HM Messan verður litrík; Óskar Hrafn, Bjarni Guðjóns, Reynir Leósson og nokkur óvænt andlit mæta til Gumma á kvöldin. Þeirra hlutverk verður að segja fólki eitthvað sem það veit ekki. Ekki bara að segja fólki að Ítalir spili góða vörn, Afríkumenn séu villtir eða að Brasilíumenn læri fótbolta úti á bílastæði.“

„Við munum nálgast leikina að þeirri fagmennsku sem hefur fylgt okkur frá fyrsta degi. Allir átján leikirnir verða í brakandi háskerpu og auðvitað erum við sérstaklega spenntir fyrir leik Englands  og Ítalíu á laugardagskvöldið.  Það er menningarviðburður eins og þeir gerast bestir.“

Aron Jóhannsson verður fyrsti Íslendingurinn til að spila á HM komi hann við sögu hjá Bandaríkjunum í Brasilíu.

„Aron er að upplifa draum allra með því að spila á flottasta móti í heiminum. Vissulega eru vetrar- og sumarólympíuleikar stórkostleg mót en það er ekkert eins og HM í mínum huga,“ segir Hjörvar.

„Það er svo ótrúlegt að einhver gutti úr Grafarvoginum skuli vera þarna. Hann er íslenskari en harðfiskurinn þó hann sé fæddur í Vesturheimi eins og margir góðir.“

Allir leikirnir á HM verða sýndir á Stöð 2 Sport 2 en 18 þeirra í beinni útsendingu, þar af allir kvöldleikirnir í riðlakeppninni sem fyrr segir.

„Auðvitað er aðalmalmálið leikirnir átján í beinni útsendingu. Og að sama skapi verða leikirnir okkar allir sýndir hjá RÚV líka en bara seinna,“ segir Hjörvar.

„Þó fótbolti sé alltaf skemmtilegur þá vill maður fá hann í beinni útsendingu. Þetta er ekki eins og í gamla daga þegar maður þurfti bara að sniðganga textavarpið og útvarpsfréttir á RÚV til að heyra ekki úrslitin.“

Gummi Ben og félagar hætta svo ekkert þegar riðlakeppninni er lokið. „Eftir riðlakeppnina verður Gummi með HM-messu kl. 22:00 daginn eftir 16 liða úrslit, 8 liða úrslit, undanúrslit og loks á mánudeginum eftir keppnina,“ segir Hjörvar Hafliðason.

Leikirnir á HM sem verða í beinni á Stöð 2 Sport 2:

13. júní, klukkan 22.00

B-riðill: Síle-Ástralía

14. júní, klukkan 22.00

D-riðill: England-Ítalía

15. júní, klukkan 22.00

F-riðill: Argentína-Bosnía

16. júní, klukkan 22.00

G-riðill: Gana - Bandaríkin

17. júní, klukkan 22.00

H-riðill: Rússland - Suður Kórea

18. júní, klukkan 22.00

A-riðill: Kamerún - Króatía

19. júní, klukkan 22.00

C-riðill: Japan - Grikkland

20. júní, klukkan 22.00

E-riðill: Hondúras - Ekvador

21. júní, klukkan 22.00

F-riðill: Nígería - Bosnía

22. júní, klukkan 22.00

G-riðill: Bandaríkin - Portúgal

23. júní, klukkan 16.00

B-riðill: Ástralía - Spánn

23. júní, klukkan, 20.00

A-riðill: Kamerún - Brasilíu

24. júní, klukkan 16.00

D-riðill: Kosta Ríka - England

24. júní, klukkan, 20.00

C-riðill: Japan - Kólumbía

25. júní, klukkan 16.00

F-riðill: Bosnía - Íran

25. júní, klukkan, 20.00

E-riðill: Ekvador - Frakkland

26. júní, klukkan 16.00

G-riðill: Bandaríkin - Þýskaland

26. júní, klukkan, 20.00

H-riðill: Suður Kórea - Belgía

Stöð 2 Sport 2 verður með 18 leiki í beinni frá HM í Brasilíu, þar af alla leiki Arons Jóhannssonar. Gummi Ben verður svo með HM-messu þar sem sérfræðingar fara yfir leiki dagsins og hita upp fyrir leik kvöldsins.

Kynntu þér málið nánar á 365.is.