Fótbolti

Rooney svarar fyrir sig á Facebook

Eiríkur Stefán Ásgeirsson skrifar
Vísir/Getty
Wayne Rooney furðar sig á vinnubrögðum enskra fjölmiðla og svarar þeim fullum hálsi á Facebook-síðu sinni.

Enska pressan sló því upp í morgun að Rooney hafi verið eini leikmaðurinn sem spilaði gegn Ítalíu um helgina sem æfði með varamönnum liðsins í gær. Þá hafi hann verið einn á skotæfingu þar að auki.

Mikið hefur verið fjallað um frammistöðu Rooney í leiknum en hann lagði upp eina mark Englands í leiknum. Ítalía hafði þó betur að lokum, 2-1.

„Stundum velti ég því fyrir mér hvað fullyrt er í fjölmiðlum. Ég hef ávallt sagt að ég vilji gera allt sem í mínu valdi stendur til að vera tilbúinn fyrir leiki okkar á HM,“ skrifaði Rooney meðal annars en færsluna má sjá hér neðst í fréttinni.

„Ég æfði sjálfur aukalega í gær vegna þess að það var það sem ég vildi gera,“ bætti hann við.


Tengdar fréttir

Vill fá meira frá Rooney

Roy Hodgson vonast til þess að fá meira framlag frá Wayne Rooney gegn Úrúgvæ en Rooney sást lítið í fyrsta leik Englendinga á Heimsmeistaramótinu.

Scholes: Rooney á að leika í stöðu framherja

Paul Scholes hefur komið Wayne Rooney, fyrrverandi samherja sínum hjá Manchester United og enska landsliðinu, til varnar eftir tap Englands gegn Ítalíu á HM í Brasilíu í gær.

Balotelli tryggði Ítölum sigur

Ítalía vann England með tveimur mörkum gegn einu í öðrum leik dagsins í D-riðli heimsmeistaramótsins í Brasilíu.




Fleiri fréttir

Sjá meira


×