Vill fá meira frá Rooney

Roy Hodgson vonast til þess að fá meira framlag frá Wayne Rooney gegn Úrúgvæ en í leiknum gegn Ítalíu. Rooney hefur enn ekki tekist að skora á lokakeppni HM en þetta er hans þriðja mót.

Rooney sem lagði upp fyrir Daniel Sturridge eina mark Englendinga í leiknum átti í erfiðleikum á vinstri kantinum.

Alan Shearer gagnrýndi Hodgson eftir leik fyrir að troða Rooney út á kantinn. Taldi Shearer að Hodgson ætti að spila Rooney í sinni bestu stöðu eða einfaldlega setja hann á varamannabekkinn.

„Við viljum fá hann meira inn í vítateiginn og við munum reyna að gera það gegn Úrúgvæ. Ég var fullviss um að hann myndi nýta færið sem Leighton Baines stillti upp fyrir hann,“ sagði Hodgson.

Rooney viðurkenndi að hann þyrfti að spila betur í leiknum á fimmtudaginn.

„Ég reyni mitt besta fyrir liðið. Ég geri ekki ráð fyrir að spila en ég mun gefa mig allan í leikinn verð ég valinn. Ég hef aldrei talið að sæti mitt í byrjunarliði enska landsliðsins sé tryggt,“ sagði Rooney.