Þetta er skítugasti maður Evrópu

Ludvik Dolezal, tékkneskur útigangsmaður, er þekktur sem „skítugasti maður Evrópu“. Hann er sagður haldinn einhverjum geðrænum kvilla; Hann er með þráhyggju fyrir því að brenna hluti.

Á hverju kvöldi kveikir hann eld og sefur mikilli í ösku, sem útskýrir að hann er skítugri en aðrir útigangsmenn. Hann fær um sextán þúsund krónur á mánuði í bætur, en fær ekki allan peninginn í einu. Óttast er að hann myndi taka upp á því að brenna peningana sína. Hann reykir pakka af sígarettum á dag og segist aldrei ætla að hætta.

Þessi þráhyggja fyrir eldi hefur bjargað honum á köldum tékkneskum vetrarkvöldum.

„Ég ligg í öskunni og reyni að finna eitthvað til þess að breiða yfir mig,“ segir hann og bætir við:

„Ég lít hræðilega út. Ég átti dýnu en ég brenndi hana. Ég hef brennt allt sem ég á. Fólk gefur mér gömul dekk sem ég brenni.“

Þannig heldur hann á sér hita yfir kaldar nætur.

Ludvik er frá bænum Novy Bydzov í norðurhluta Tékklands. Meðalhitinn í bænum yfir vetrarmánuðina er í kringum frostmark, en dæmi eru um að allt að tuttugu stiga frost hafi mælst í janúar og febrúar.

Hér að neðan má sjá myndband af Ludvik.