Stór dagur í indversku kosningunum

Fyrsti stóri dagur kosninganna á Indlandi er í dag en síðustu daga hefur verið kosið í dreifðari byggðum landsins. Í dag opna kjörstaðir hinsvegar í höfuðborginni Delhi og í stórum héruðum á borð við Utar Pradesh og Kerala en alls er um 91 sæti á indverska þinginu að ræða í fjórtán héruðum.

Kosningarnar á Indlandi nú eru þær fjölmennustu í heimssögunni og fara þær fram í níu hlutum. Síðasta kjörfundi lýkur ekki fyrr en tólfta maí næstkomandi en rúmlega 814 milljónir manna eru með kosningarétt að þessu sinni.