Aðild Palestínumanna að alþjóðasáttmálum samþykkt

Framkvæmdastjóri Sameinuðu þjóðanna, Ban Ki-moon, hefur samþykkt aðild Palestínumanna að þrettán alþjóðasáttmálum. Al Jazeera greinir frá.

Þegar Ísraelsmenn stóðu ekki við loforð um lausn palestínskra fanga í síðasta mánuði svöruðu Palestínu menn með því að leggja inn umsóknir um aðild að fimmtán alþjóðasáttmálum. Þrettán þeirra hjá Sameinuðu þjóðunum, einni hjá Genf og einni í Hollandi.

Riyad Mansour, áheyrnarfulltrúi Palestínumanna hjá Sameinuðu þjóðunum, segir að Palestína fái formlega aðild að 13 af 15 sáttmálum hinn 2.maí næstkomandi.

Ísraelsstjórn lagði á ráðin með æðstu yfirmönnum Ísraelshers um refsiaðgerðir gegn Palestínumönnum.

Í gær hertu þeir refsiaðgerðir gegn þeim. Aðgerðirnar varða skattgreiðslur og bankainnistæður í Ísrael.