Lavezzi: PSG gæti keypt Messi

Kantmaðurinn Ezequiel Lavezzi hjá PSG segist viss um að lið hans geti keypt landa hans, Argentínumanninn Lionel Messi frá Barcelona en Messi er með klásúlu í samingi sínum að hann geti farið bjóði lið 250 milljónir evra í hann.

Messi er samningsbundinn Barcelona til ársins 2018 en Lavezzi trúir því að PSG geti og sé tilbúð að reiða fram þá upphæð sem þarf til að landa þessum eina besta knattspyrnumanni heims.

„Auðvitað getur lið eins PSG keypt leikmann eins og Messi,“ sagði Lavezzi.

„Í fótbolta getur allt gerst. Félagið mun sjá til og leikmaðurinn líka.“

Lavezzi kom til PSG frá Napoli 2012 og er ákaflega ánægður með stöðu mála hjá félaginu og trúir því að liðið geti unnið Meistaradeildina.

„Við höfum vaxið sem lið. Við bætum okkur saman. PSG er lið sem þarf að hafa auga á. Við erum mjög sterkir núna og getum unnið Meistaradeild Evrópu,“ sagði Lavezzi.