Fjórir látnir í Mombasa eftir skotárás í kirkju

Fjórir eru látnir og fjöldi fólks er alvarlega slasað eftir skotárás tveggja manna í kirkju í Likoni nærri Mombasa í Kenía í gær. BBC segir frá.

Byssumennirnir gengu inn í kirkjuna og hófu að skjóta fólk af handahófi. Þeir náðu að flýja áður en lögreglan mætti á staðinn.

Enginn hópur hefur lýst yfir ábyrgð á árásinni en lögreglan segir að íslamska vígamenn úr hópnum al-Shabab bera ábyrgð á svipuðum árásum.

„Þetta voru venjulega útlítandi menn. Þeir gengu rólegir inn eins og allt væri eðlilegt,“ sagði Peter Muasya sem var á staðnum.

„Þeir byrjuðu svo að skjóta á þá sem stóðu fyrir utan kirkjuna.“

Blóðugar biblíur og stólar lágu á víð og dreif um alla kirkjuna eftir árásina.

Talsvert hefur verið um árásir sem þessar og ofbeldi í Mombasa undanfarna mánuði.