Ragnar á bekknum í jafntefli hjá Krasnodar

Ragnar Sigurðsson, landsliðsmiðvörður í knattspyrnu, sat allan tímann á bekknum hjá Krasnodar sem gerði jafntefli, 1-1, við Tom Tomsk í rússnesku úrvalsdeildinni í knattspyrnu í dag.

Kirill Panchenko kom heimamönnum í Tom yfir á 60. mínútu en brasilíski framherjinn Wanderson jafnaði metin fyrir Krasnodar tveimur mínútum fyrir lok venjulegs leiktíma.

Krasnodar byrjar ekki nógu vel í fyrstu tveimur leikunum eftir vetrarfríið en liðið tapaði fyrsta leiknum gegn SölvaGeirOttesen og félögum í Ural, 1-0, og gerði nú jafntefli.

Liðið er í sjötta sæti rússnesku úrvalsdeildarinnar með 34 stig eftir 21 umferð, þremur stigum frá Evrópudeildarsæti.

Ragnar hefur ekki komið við sögu í hvorugum leiknum til þessa í deildinni en hann gekk í raðir liðsins frá FC Kaupmannahöfn.

Hann þarf að komast fram fyrir sænska landsliðsmiðvörðinn AndreasGranqvist og Hvít-Rússann AleksandrMartynovich í goggunarröðinni virðist vera en þeir hafa byrjað í miðvarðarstöðunum í fyrstu tveimur leikjum liðsins eftir frí.