Zlatan markahæstur í Evrópu

Mörkin tvö sem Zlatan Ibrahimovic skoraði í 2-0 sigri PSG á St. Etienne í frönsku úrvalsdeildinni í gær fleytti honum í efsta sæti markalistans í Evrópu.

Zlatan hefur nú skorað 40 mörk í öllum keppnum á tímabilnu, einu meira en Cristiano Ronaldo hjá Real Madrid. Til samanburðar má nefna að Lionel Messi, Argentínumaðurinn hjá Barcelona, er með 31 mark.

Svíinn öflugi bætti einnig félagsmet með mörkunum en gamla metið átti Carlos Bianchi sem skoraði 39 mörk fyrir PSG tímabilið 1977-78.

Ronaldo og Liverpool-maðurinn Luis Suarez eru þó efstir í baráttunni um Gullskóinn en báðir hafa skorað 25 deildarmörk fyrir lið sín til þessa og fengið fyrir það 50 stig.

Það er hins vegar lægra margfeldi (1,5) fyrir mörk í frönsku deildinni og því situr Zlatan í fjórða sæti listans með 37,5 stig. Diego Costa, leikmaður Atletico Madrid, er í þriðja sæti með 44 stig fyrir mörkin sín 22 í spænsku deildinni.

Þess má geta að Alfreð Finnbogason er í áttunda sæti listans með 34,5 stig en hann hefur skorað 23 mörk fyrir Heerenveen í hollensku úrvalsdeildinni.

Gullskórinn:

1. Luis Suarez, Liverpool 50 stig (25 mörk)

- Cristiano Ronaldo, Real Madrid 50 (25)

3. Diego Costa, Atletico Madrid 44 (22)

4. Zlatan Ibrahimovic, PSG 37,5 (25)

- Jonathan Soriano, Red Bull Salzurg 37,5 (25)

6. Lionel Messi, Barcelona 36 (18)

- Daniel Sturridge, Liverpool 36 (18)

8. Alfreð Finnbogason, Heerenveen 34,5 (23)

9. Alexis Sanchez, Barcelona 34 (17)

- Mario Mandzukic, Bayern München 34 (17)