Tók myndband af rjúkandi tvíburaturnunum úr geimnum

Geimfarinn Frank Culbertson tók myndband af tvíburaturnunum 11. september 2001 úr Alþjóðlegu geimstöðinni sem var þá yfir New York. Myndbandið verður sýnt í heild sinni á bresku sjónvarpsstöðinni Channel 4 síðar í mánuðinum í sérstökum þætti.

Í myndbandinu má glögglega sjá mikinn reykjarmökk leggja frá turnunum, en tveimur farþegaflugvélum var flogið á þá með þeim afleiðingum að þeir hrundu og hátt í 3.000 manns létu lífið.

Vinur Culbertsons var einn þeirra sem féllu í árásinni og komst hann að því nokkrum klukkustundum síðar.

Brot úr myndbandi Colbertsons Viðtal við Colbertson