Mikil átök í Bangkok

Lögreglan í Bangkok í Tælandi hefur ákveðið að láta til skarar skríða gegn mótmælendum sem krefjast þess að ríkisstjórnin fari frá.

Fréttamaður BBC sem er á staðnum segir að skothríð hafi ómað í nótt og fregnir hafa borist af því að einn lögreglumaður hafi verið skotinn til bana og þrír eru sagðir alvarlega særðir.

Síðustu mánuði hafa mótmælendur í borginni tekið völdin í ýmsum opinberum byggingum en nú virðist sem yfirvöld séu komin með nóg og hafi ákveðið að koma fólkinu út, burtséð frá afleiðingunum.