Óeirðir í Bangladesh vegna kosninga

Lítil kjörsókn var í Bangladesh í morgun en þingkosningar eru nú í landinu.

Miklar óeirðir voru í höfuðborginni Dhaka í nótt þar sem einn lögreglumaður og tveir úr röðum mótmælenda létust í átökunum. Herskáir stjórnarandstæðingar hafa kveikt í ríflega 150 kjörstöðum en mikil andstaða er við framkvæmd kosninganna í landinu.

Stjórnarandstaðan sakar stjórnvöld um spillingu og segja kosningarnar líkjast farsa. Til að sýna fram á vanþóknun sína á kosningunum ákvað stjórnarandstaðan að sniðganga kosningarnar og hvatti um leið kjósendur til að gera slíkt hið sama. Krafan um að óháð stjórn myndi sjá um kosningarna færu fram með réttmætum hætti var hafnað af stjórnvöldum.