Jens Stoltenberg mögulega næsti framkvæmdastjóri NATO

Jens Stoltenberg fyrrverandi forsætisráðherra Noregs, og einn sá vinsælasti til að gegna því embætti frá upphafi, hefur nýlega verið orðaður við stöðu framkvæmdastjóra NATO.

News in English greinir frá.

Núverandi framkvæmdastjóri, Anders Fogh Rasmussen, mun láta af störfum síðar á árinu.

Stoltenberg segir alltaf ánægjulegt að vera nefndur á nafn þegar svo virðulegar stöður ber á góma, en vill lítið meira tjá sig um orðróminn.

Stoltenberg fundaði með kanslara Þýskalands Angelu Merkel á miðvikudag þar sem þau ræddu um orku og efnahagsmál.

Fullyrt er í norskum fjölmiðlum sem mikið hafa fjallað um málið í dag að Merkel styðji Stoltenberg sem mögulegan arftaka Rasmussen, og eins er farið með Obama Bandaríkjaforseta sem styður hann í embættið en Erna Solberg tjáði sig einnig um það í norska útvarpinu fyrr í kvöld að hún styddi hann af heilum hug.

Stuðningur frá svo valdamiklum leiðtogum gefa orðrómnum byr undir báða vængi og auka líkur á að Stoltenberg verði fyrir valinu.



Hann vill þó sjálfur hvorki játa því né neita að hafa fengið boð um að gegna embættinu.