Átta mánaða drengur vegur jafnmikið og sex ára barn

Feitasta barn Kólumbíu er aðeins átta mánaða gamall drengur, en vegur álíka mikið og sex ára barn. Þetta kemur fram á vef Dailymail.

Honum hefur nú verið bjargað af þarlendum hjálparsamtökum og sem eru nú í óða önn að bjarga lífi drengsins.

Nafn hans er Santiago Mendoza og hann vegur nú þegar um tuttugu kíló þrátt fyrir að hafa ekki náð eins árs aldri.

Hann var fluttur frá heimili sínu í borginni Valledupar til höfuðborgarinnar Bogota síðasta sunnudag, þar sem honum verður nú veitt viðeigandi læknisaðstoð.

Það var móðir hans sem hafði samband við hjálparsamtökin og bað um aðstoð í ljósi þess að þyngd barnsins er komin yfir hættumörk.

„Hann fæddist með kvíðaröskun og grét mikið, svo ég brá á það ráð að næra hann í hvert sinn sem hann kemst í uppnám“ er haft eftir móður drengsins, en ofnæring er talin vera orsökin fyrir gífurlegri þyngdaraukningu barnsins.

Hann hafði áður lagst inn á spítala nokkrum sinnum vegna ýmissa heilsufarskvilla, og hefur móðir hans nú verið svipt forræði.