Tévez valinn í argentínska landsliðið í fyrsta sinn í þrjú ár

Gerardo Martino, þjálfari argentínska landsliðsins, hefur valið framherjann Carlos Tévez í landsliðshóp sinn fyrir vináttulandsleiki á móti Króatíu og Portúgal í nóvember.

Carlos Tévez hefur verið út í kuldanum í þrjú ár eða síðan að hann spilað með argentínska landsliðinu í Suður-Ameríkukeppninni sumarið 2011. Tévez hefur skorað 13 mörk í 64 landsleikjum.

Alejandro Sabellas stýrði argentínska landsliðinu frá 2011 til 2014 og datt aldrei í hug að velja Carlos Tévez. Argentínumenn fóru alla leið í úrslitaleikinn á HM í Brasilíu síðasta sumar.

Gerardo Martino tók við liðinu eftir HM og er að skoða fleiri leikmenn sem voru út í kuldanum hjá Sabellas. Willy Caballero, markvörður Manchester City og Tottenham-maðurinn Federico Fazio eru líka í hópnum núna.

Argentína mætir Króatíu í London 11. nóvember og spilar við Portúgal í Manchester í vikunni á eftir.