Líflátshótanir vegna innflytjendalöggjafar

Líflátshótanir hafa að undanförnu borist innanríkisráðuneytinu í Austurríki vegna innflytjendalöggjafar landsins. Hótanirnar beinast að Jóhönnu Mikl-Leitner innanríkisráðherra Austurríkis auk fimmtíu annarra stjórnmálamanna. 

Tvö bréf hafa borist ráðherranum þar sem fram kemur að stjórnmálamennirnir verði teknir af lífi hleypi þeir fleiri innflytjendum inn í landið.  Innanríkisráðuneytið í Vínarborg neitar að tjá sig um málið en embætti ríkissaksóknara í Austurríki hefur staðfest að málið sé til rannsóknar. 

Á síðasta ári fengu 17.500 manns hæli í Austurríki, flestir þeirra frá Rússlandi, Afganistan og Sýrlandi.