Erlent

Chris Christie tekur á offituvanda sínum

Jakob Bjarnar Grétarsson skrifar
Christie lét græða gjörð um maga sinn sem takmarkar hversu mikið hann getur borðað.
Christie lét græða gjörð um maga sinn sem takmarkar hversu mikið hann getur borðað.
Ríkisstjórinn í New Jersey viðurkenndi í gær að hafa undirgengist leynilega skurðaðgerð til sem vinna á offituvandamáli sínu.

Chris Christie, ríkisstjóri í Newark, er vinsæll og hann hefur verið orðaður við að verða frambjóðandi republikana til forsetaembættis árið 2016. Christie er orðhvatur og þekkt eru orð hans þess efnis að hann sé heilbrigðasti offitusjúklingur sem um getur eða: "The healthiest fat guy you've ever seen."

En, nú hefur komið á daginn að hann fór í sérstaka skurðaðgerð sem gengur út á að reyna að vinna á offituvandanum. Sérhönnuð gjörð hefur verið grædd um magann sem takmarkar það hversu mikið Chris Christie getur látið í sig. Þetta er eftir að ítrekaðar megrunaraðgerðir brugðust.

Sjálfur segir hann þetta ekki tengjast hugsanlegu framboði sínu til forsetaembættisins heldur sé þetta gert fyrir sig og fjölskylduna. „Þetta snýst um framtíð fjölskyldunnar,“ segir Christie sem á fjögur börn.

Sjá nánar hér.

Mest lesið


Fleiri fréttir

Sjá meira


×

Mest lesið