Gæjar með gítar eiga meiri séns

Bara það eitt að halda á gítar eykur líkur karlmanna um þriðjung á að komast á stefnumót. Þetta sýnir ný rannsókn sem unnin var við háskólann í South Brittany. Þar kom í ljós að konur eru 31 prósentum líklegri til að afhenda símanúmerin sín mönnum sem eru með gítar, helmingi fleiri en eru til í að afhenda sama manninum sem ekki er með neinn gítar símanúmerið sitt.

Þessi aðferð virkar aðeins á konur. Áhugi karlmanna er alveg sá sami hvort sem kona er með hljóðfæri eða ekki.

Íþróttatöskur auka ekki kynþokka

Prófessor Nicolas Gueguen, sérfræðingur í atferlisfræði við háskólann, réði 20 ára gamlan mann til að nálgast 300 konur á aldrinum 18 til 22 í verslunarmiðstöð í Brittany.

Maðurinn sagði stúlkunum að þær væru mjög fallegar og bað um símanúmerið. Fyrst var hann með íþróttatösku í höndum, þá gítartösku og loks ekkert. Með gítarinn fékk hann símanúmer 31 prósenti stúlknanna, 14 prósent ef hann var ekki með neitt en íþróttataskan var ekki að virka sem skyldi; það gaf aðeins 9 prósent árangur.