Síðasta tíst Benedikts XVI á páfastóli

Benedikt XVI, fráfarandi páfi, kvaddi kardínála og starfsfólk í Vatíkaninu í dag og flaug að því loknu með þyrlu til Caste Gandolfo, þar sem hann hyggst dvelja þar til eftirmaður hans hefur verið valinn.

Síðasta Twitter-færsla páfans birtist síðdegis í dag og hljóðaði svo.

„Ég þakka ykkur fyrir ást ykkar og stuðning. Megið þið ávallt upplifa gleðina sem hlýst af því að gera Krist að leiðtoga lífs ykkar.“

Nærri 600 ár eru liðin síðan páfi sagði síðast af sér, en það var Gregory XII. Hann var ekki á Twitter.