Audrey Hepburn snýr aftur til að selja súkkulaði

Frægðarstjarna leikkonunnar Audrey heitinnar Hepburn skein sem skærast á gullöld kvikmyndina um miðbik tuttugustu aldarinnar. Þessi goðumlíka stjarna er snúin aftur og það til að selja súkkulaði.

Óhætt er að segja að nýjasta auglýsing Galaxy-súkkulaðiframleiðandans hafi vakið athygli. Þar má sjá Hepburn spóka sig um á ströndum Miðjarðarhafsins, að því er virðist í lifanda lífi.

Það er tæknibrellufyrirtækið Framestore sem á heiðurinn á auglýsingunni. Kvikmyndagerðarmenn félagsins leituðu lengi vel að manneskju sem líktist Hepburn og fundu á endanum stúlku sem er svipuð að vexti og leikkonan var.

Með hjálp tölvutækni var síðan andlit leikkonunnar fært á andlit staðgengilsins.

Hægt er að sjá auglýsinguna hér fyrir ofan.