Chavez kominn heim, sendir Castro bræðrunum þakkir

Hugo Chavez forseti Venesúela er kominn heim aftur eftir að hafa verið í meðferð gegn krabbameini á Kúbu síðan 11. desember s.l.

Eftir heimkomuna í gærdag sendi Chavez frá sér þrjú skilaboð á twitter. Hann þakkaði þeim bræðrum Raul og Fidel Castro fyrir dvölina á Kúbu og hann þakkaði landsmönnum sínum fyrir þann stuðning sem þeir hefðu sýnt honum í veikindum sínum.

Þótt Chavez sé kominn heim er hann ekki laus við krabbameinið og mun meðferðin gegn því halda áfram í Venesúela.

Ekki er vitað hvort eða hvenær Chavez taki aftur við skyldum sínum sem forseti Venesúela.