Segir hernaðaríhlutun Frakka í Malí vera skammvinna

Laurent Fabius, utanríkisráðherra Frakklands, segir að hernaðaríhlutun Frakka í Afríkuríkinu Malí verði skammvinn og sé aðeins til þess að koma í veg fyrir að herskáir íslamistar nái völdum í landinu.

Frakkar hafa beðið um fund í Öryggisráði Sameinuðu þjóðanna um ástandið í Malí og verður fundurinn haldinn í dag.

Í gærdag gerðu franskar herþotur loftárásir á borgina Gao í norðurhluta landsins en þar eru íslamistarnir með stórar herbúðir.

Í frétt um málið á vefsíðu BBC segir að franska hernum hafi tekist að stöðva sókn íslamistanna til suðurs.