Spara milljarða á betri heilsu

Norsk stjórnvöld hafa fimm milljarða norskra króna, um 100 milljarða íslenskra, til ráðstöfunar í ár þar sem útgjöld vegna veikinda eru minni en búist var við.

Í frétt á vef VG kemur fram að fjármunirnir sparist meðal annars vegna færri veikindadaga á vinnumarkaði, færri sækja um örorkubætur og eldri borgarar haldast lengur í vinnu áður en þeir fara á ellilífeyri.

Anniken Huiwtfeldt atvinnumálaráðherra segir þetta góðar fréttir, og afsanni þá kenningu að öflugt velferðarkerfi hvetji fólk til þess að vera frekar á bótum en í vinnu.