Sjö létu lífið í sjálfsmorðsárás

Sjö létu lífið í Sómalíu í gærmorgun þegar bíl hlöðnum sprengiefni var ekið inn í bílalest hersins sem fylgdi fjögurra manna sendinefnd frá Katar.

Haft er eftir yfirmanni lögreglu að sendinefndina frá Katar hafi ekki sakað og hún hafi komist heilu og höldnu á hótel sitt. Sendinefndin var í landinu í boði innanríkisráðuneytisins en innanríkisráðherra Sómalíu var ekki í bílalestinni. Sendinefndin tekur þátt í þróunarverkefnum í Mógadisjú.

Mohamed Abdi, lögreglumaður á vettvangi, sagði að fjórir óbreyttir borgarar og einn hermaður hefðu dáið samstundis í sprengingunni.

Tveir til viðbótar létust á sjúkrahúsi og gert var að sárum átján til viðbótar, sagði dr. Duniya Mohamed Ali á sjúkrahúsinu í Medína.

Forseti Sómalíu, Hassan Sheikh Mohamud, segir uppreisnarsveitina al-Shaban bera ábyrgð á árásinni, en hún er sögð hafa tengsl við al-Kaída hryðjuverkasamtökin.